У добры шлях!

З віншавальным словам ад імя рэктара ўніверсітэта Наталлі Яўгеньеўны Лапцевай да выпускнікоў звярнулася прарэктар па навуковай рабоце БДУЗМ Вольга Уладзіміраўна Лушчынская. Вольга Уладзіміраўна падкрэсліла важнасць набытага вопыту, пажадала ім поспеху ў будучай прафесійнай дзейнасці, а таксама ўручыла ганаровыя граматы пяцярым выпускнікам за высокія дасягненні ў вучэбна-пазнавальнай, навукова-даследчай і грамадскай дзейнасці ва ўніверсітэце, за актыўную жыццёвую пазіцыю і ўклад ва ўмацаванне іміджу БДУЗМ у Рэспубліцы Беларусь і за яе межамі.

Прарэктар па вучэбнай рабоце Алена Пятроўна Беценя пажадала маладым спецыялістам дасягнуць прафесійных вышынь на новым жыццёвым этапе і ўзнагародзіла дваццаць тры выпускнікі Граматамі ўніверсітэта за высокія дасягненні ў вучэбна-пазнавальнай дзейнасці, навукова-даследчай дзейнасці, за актыўны ўдзел у грамадскім жыцці ўніверсітэта і ўклад ва ўмацаванне іміджу БДУ.

Старшыня маладзёжнага крыла Партызанскай раённай арганізацыі ГА «Беларускі саюз жанчын» г. Мінска Марыя Сяргееўна Валовень павіншавала прысутных з завяршэннем навучання і ўручыла выпускніцы факультэта, лідару маладзёжнага крыла ПА ГА «БСЖ» БДУЗМ Дар'і Лыскавец падзячны ліст за актыўны ўдзел у жыцці арганізацыі, уклад у развіццё жаночага руху, паспяховую рэалізацыю сацыяльна значных праектаў і ініцыятыў.

Загадчык кафедры лексікалогіі і стылістыкі англійскай мовы Алена Ігараўна Буднікава ўручыла дванаццаці студэнтам Падзякі факультэта за актыўны ўдзел у грамадскім жыцці факультэта, высокія дасягненні ў творчай дзейнасці і ўклад ва ўмацаванне іміджу факультэта.

Беларускі дзяржаўны ўніверсітэт замежных моў даў сваім выпускнікам галоўны капітал-веды, вопыт і веру ва ўласныя сілы. Уручэнне дыпломаў стала яркім фіналам важнага жыццёвага этапу, якія адкрываюць дзверы ў прафесію, дзе кожны з учарашніх студэнтаў зможа рэалізаваць свой патэнцыял. У добры шлях, дарагія выпускнікі! Няхай вашы амбіцыі будуць высокімі, а кар'ерны старт — паспяховым!